De Projet « Vum HéiereSoen », initiéiert duerch d’regionaalt Kulturhaus Cube521 zu Maarnech, ass eng Ausenanersetzung mat Erliefnisser, Erzielungen, an Evenementer am Clierfer Kanton wärend dem Zweete Weltkrich a méi konkret der Ardennenoffensiv.
Zanter der Saison 2024/2025 maachen sech déi zwee Kënschtler Betsy Dentzer a Misch Feinen op eng Sich: Wat gëtt bis haut erzielt? Wéi eng Spuere fanne mir nach haut erëm? Wéi setze mir dat, wat gëschter geschitt ass, en Lien mat deem, wat haut geschitt? Wat huet dat fir en Impakt op muer?
A virun allem: Wat huet dat alles mat mir ze dinn?
Si interesséieren sech dobäi virun allem fir de Bléck vun den haitege Generatiounen op dat wat deemools war, spille mat Wierder a Begrëffer, stellen sech Zenarie vir an hunn dobäi ee wichtege Fokus: de Mënsch an dat wat en ausmëscht: seng Emotiounen, seng Dreem, seng Bezéiungen - an d’Spueren déi en hannerléisst.
Iwwert de Wee vun enger intensiver multimedialer Recherche, mee och duerch Visitten, Begéinungen a Gespréicher mat Leit aus der Regioun, mat Institutiounen a Veräiner a mat Kënschtler.inne vu verschiddenen Disziplinnen probéieren si, eng Essenz eraus ze filtere, fir am Februar 2027 e besonnescht Erliefnis fir all Mënsch ze kreéieren.
Zwee Owender ënnert dem Titel “Weess de nach? Weess de wat?!” am Oktober 2025 an am Abrëll 2026 am Cube521 zu Maarnech maache Begéinungen an den Austausch tëscht Leit aus der Regioun an aus dem ganze Land méiglech an erlaben et deenen zwee Kënschtler, Momenter vun hirem Kreatiounsprozess ze deelen, ma och weider Iddien ze sammelen.
“Drei Liter!” soll de performativen Owend heeschen, deen um Enn entsteet - eng interaktiv Entdeckungsrees iwwert e puer Statiounen, duerch Erzieltes, Erlieftes, Reelles an Erfonntenes, geschwat, gespillt, gezeechent, niddergeschriwwen an opgeholl, souwuel gëschter wéi och haut.
Ma net nëmmen de finale Moment vum Projet soll interaktiv sinn: schonn am Kreatiounsprozess wëllen si sech duerch aner Mënsche begleede loossen. Sou lancéieren si, ganz am Vocabulaire un den deemolege militäreschen Asätz, eng Lëscht vu KOMMANDO’EN, déi iwwert digital Kommunikatiounsplattformen mee och per Flyer ënnert d’Leit bruecht ginn.D’Ëmsetzung vun dëse kënschtlereschen a poeteschen “Uerderen” sollen et all Mënsch erlaben, um Kreatiounsprozess deel ze huelen. Dat gesammelt Material erlaabt et de Kënschtler ausserdeem, hiert Stéck weider ze denken, an dem spéidere Publikum déi ganz Panoplie vum Mënsch-Sinn ze präsentéieren.
Definéier « Fräiheet » duerch 5 konkret Beispiller a jee maximal engem Saz !
Define ‘freedom’ through 5 concrete examples, each in no more than one sentence!
Définit “liberté” à travers 5 exemples concrets, chacun en une phrase maximum!
Du muss fortlafen an dierfs 3 Saache mathuelen. Wéi eng sinn dat? Zeechen se oder maach Fotoen!
You have to run away and you’re allowed to take 3 things with you. Which ones are they? Draw them or take photos of them!
Tu dois t’enfuir et tu peux emporter 3 choses. Lesquelles ? Dessine-les ou prends-les en photo !
Verzei engem!
Forgive someone!
Pardonne à quelqu’un!
Schreif e Protestlidd! (Text/Partitur/Audio oder alles)
Write a protest song! (Lyrics/score/audio or all of them)
Écris une chanson de protestation ! (Texte/Partition/Audio ou tout)
Schreif e räissereschen Titel vun engem Artikel iwwert den 3. Weltkrich!
Write a catchy title for an article about World War III!
Écris un titre accrocheur pour un article sur la Troisième Guerre mondiale !
Schreif e Gedicht iwwer Trauer!
Write a poem about grief!
un poème sur le deuil !
Maach e Wuert mat all Buschtaf vum Wuert A-N-G-S-C-H-T!
Make a word with each letter of the word F-E-A-R!
Trouve un mot pour chaque lettre du mot P-E-U-R !
Huel deng Rou op!
Record your calm!
Enregistre ton calme !
Et ass de leschte Moment vun dengem Liewen – denk (eppes) !
It’s the last moment of your life – think (of something)!
C’est le dernier moment de ta vie – pense (à quelque chose) !
Erfann eng Geheimsprooch !
Invent a secret language!
Invente une langue secrète !
Sief en Diktator !
Be a dictator !
Sois un dictateur !
Schenk eis d’Silhouette vun dengem Kapp !
Give us the silhouette of your head!
Offre-nous la silhouette de ta tête !
Vermëss een !
Miss someone!
Ressens le manque de quelqu’un !
Hutt och dir Loscht, fir iech kommandéieren ze loossen ? Är Beiträg erlaben eis et, déi ganz Villfalt vun der Gesellschaft ze weisen, Mënsche mateneen ze konfrontéieren, ma och Reflexiounen an e Meenungsaustausch unzestoussen.
Fäert net, a schéckt eis elo är Beiträg zou:
oder och gäre via Post op:
Erzielkonscht a.s.b.l.
22, rue des Platanes
L-8072 Bertrange
Är Mataarbecht erlaabt dir eis, des an eise Kreatiounsprozess mee och an eise finalen Owend “Drei Liter!” anzebauen. Mir erlaben eis aus Grënn vu kënschtlereschem Choix, Beiträg unzepassen an ze kierzen, resp. ganz ewech ze loossen.
ALL VERWÄERTUNG ASS STRIKT ANONYM.
Reegelméisseg aktualiséiert Informatiounen zum Projet fannt dir hei um Site, awer och op eiser Instagram-Säit an op Facebook.