RadiOdyssee #7 - Podcast

Diffusioun 3. Abrëll 2022 - 11h - Radio 100,7

Den Abrëll, dee mécht wat e wëll? Do maache mir an eiser Erzielkonschtémissioun RadiOdyssee natierlech mat! Mir streeë Fake news, deelen urban legends, konstatéieren, datt Verschwörungstheorië well schonn eng Plaz am Musée hunn a verroden iech, wat d'Erzielkonscht zum Theema ze bidden huet. Also maacht och dir mat; fräi nom moderne Managermotto: jiddereen ass e Storyteller!

Déi zwou Erzielerkënschtlerinne Betsy Dentzer a Luisa Bevilacqua, an déi zwou Kulturjournalistinne Valerija Berdi a Kerstin Thalau aus der radio 100,7 Kulturredaktioun huelen Iech mat op eng Erzielkonscht-Entdeckungsrees, eng RadiOdyssee.

Falls dir eis verpasst hutt, keng Angscht! Dir kënnt all Episoden als Podcast op eiser Säit fannen oder och an der Médiathéik vum Radio 100komma7.